|
مقتبسة من أنشودة مصريّة
دورو أبيض و رميتو في الشّقّاقه حطّيتو
و بقيت نحسب و نفكّر كيفاش الدّورو يكثر
***
و الدّرو يصبح عشرين و العشرين تصبح ميتين
و الميتين تصبح دنانير و الدّنانير تصبح ملايين
م الدّورو إلّي رمينو
***
و بعد شويّه من التّفكير قلت نحل دفتر توفير
و ناخو من مصروف يوماتي و نعمل كيف ما عملو اخواتي
م الدّورو إلّي رمينو
***
نحسب عامي يوم بيوم و فلوسي تولّي بالكوم
و ناخو أسهم في الشّركات و نبني مصانع أو عمارات
نجري م الفرحه و نطير و هذا من خير التّوفير
م الدّورو إلّي رمينو
***
كتابة:محمد الهادي الكعبوري
Partager
|
