ء ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي

حرف الكاف

ع/ر

المثل أو القول السائر

شروح

ملاحظات

1 - كان جاء رمضان باهي ما يعملوشي بعدو عيد.    
- كان حمار الصباح  خلي البهايم ترتاح  و كان  حمارت العشيه حضر البهايم و العصيه حمار= احمرّ الأفق.  
- كان الخو ينفع خوه ما يبكي حد على بوه    
- ك دلال الصّالحينّ    
5 - كان صاحبك عسل ما تاكلوش لكل.    
- كان نلحق عيني نشرمها آما نخاف على عدمها .    
- كاينو ولد فرانسيس .
- كان يعديك  بعبوص الكلب  آش يهمك في نتونتو
- كان الكلام فضه السكات ذهب
10 - كان الجمل يرى حدبتو تتقطع رقبتو.
- كان المهبول ياكل ويبه العاقل ما يعطيهالوش
- كان وليدّكمْ ضربْ وليدنا  هاكه حال الصّغار و كان وليدنا ضرب وليدكم راهو شام النّهار.
- كان البومة فيها خير ما تخلفها الصياده.
- كانْ البكاء بالطّبله الله لا ترحمْ منْ ماتْ.
15 - كانت تشخر زادت بف .
- كاذب و سفيه.  أي راسخ جامد لا يتزحزح و لا يتحرّك.
  - ك الحجره الكيلومتريّه.
  - كي الحوت متّاكل و مذموم.
  - كي الّي يبول في الرّمل.
20 - كاينّي حجره من كنيسيّه.
  - كبده مشومه.   يقوله الوالدان أو غيرهما حين يضعفون أمام أبنائهم العاقين أو المخطئين في حقهم.
- الكُبر ما فيه عيب.  الكبر= الشيخوخة
- كب و قعّد.
- الكبير فينا هدّ الدار علينا    
25 - كبيركم يقدم و صغيركم  يبوس. يقدم=يعضّ. - قالها بيرق دار محمد الطاهر المحجوب وشى به أحد المتساكنين إلى الباي باعتباره يحكم بين المتقاضيين المختلفين فاستدعاه فأخبره أنه ساكن زاوية و عدل و إمام يأتيه المختلفان فيقضي بينهما فقال فطلب منه أن يعود إلى منزل جميل و أن يقرأ له فاتحة على ضريح جده المحجوب .فلما كان عائدا لقيه الأطفال مكبرين مبجّلين يقبلون رجليه و هو راكب على سرج حصانه فقالها و أصبحت مثلا  يضرب.
- كي إلّي يوكّل في الزّبده للبهايم.
- ك بوه لا يعايروه.
- كبلو أيامو
- كبلو سعدو
30 - ك تطيح البقره تكثرْ سكاكنْها .
- كالبهيم القصير إلي يجي يركب عليه .
- كثْرْ الهمْ يْضَحّكْْ
- كثر الخطى يملوك كي تكون أمّك و لا بوك  ولاّ = و إلاّ = أو
- كثّر م الأصحاب تتلف خيارهم.
35 - كثَّرْ م العسلْ يمساطْ.
ـ كثرت العمومة في البلاد المشومة.
- الكثره و قلّة البركه.
- الكذاب زيد شويه و عاودلو.(أو انشدو.)  يقال أيضا الكذاب أصبر عليه شويه و انشدو
- كذب مفلّق :طاح الكوز و قعد الزّيت معلّق.
40 - الكذب على ربّي حرام.
- الكذب في المصالح جايز.
- الكذب يعيّشك ليله و الصّدق يعيّشك ديمه.  ديمه= دائما و أبدا.
- كرم لحيتو بيدو .
- كرشو دارت.
45 - كرشو عصرت عليه
- كرشو جرات
- كرشو مشات
- الكره بين الحما و الكنة قد ورق الحنة
- كرشو سباله
50 - الكرش الذايبه فيها نايبه
- كراووه بويبه سكتوه بقفيز .
- ك الزّيت فوق الماء.
- ك الزير المتكي لا يضحك و لا يبكي .
- كسادي عليك أنا يطلقني و انت يرخيك  عبارة يقولها الشخص  لمن يتكاسل  و يتثاءب  قربه لتثبيط سوء صنيعه
55 - ك السّارح عند خالو يقول :"يا فرحتي تو خالي يغنيني. و خالو يقول:"يا سعدي يا هناي تو ولد أختي يسرحلي بلاش.
- ك سيدي كي جوادو ، كي قلبي كي فادو. يقال في المتشابهين في السلبيات والفشل.
- كسكسلو يرجع لاصلو
- كس ايجا فوق السطح
- ك  صبّلي نشرب. يقال في الأمر البسيط الهين السهل.
60 - ك عصبانة ميّو.
- كعور و دز اللعور.. اللعور=الأعور
  - ك عبّون القحبة.
- ك عسكر زواره مقدّمين في الحرب موخّرين في الراتب.
- ك الفليّو كل يوم يزيد عقيده . يقال للمتمادي في الأمر  الضار أو الابن العاصي  المخالف.
65 - كعك ما يطير جوع
- كف و كعبه حلوى
- ك القرنيط كي يجوع يدور على صوابعو ياكلهم.    
- كي الفلّوس ما ينقر كان عين خوه.    
- كي الفكرون دارو فوق ظهرو.    
70 -  ك قطاطس باردو الشر و الخلاعهْ.    
- ك القطّوس الأكحل إذا ضربتو يتجن و إذا خلّيتو ياكلّك فطورك.
- كالقطوسة أم سبعة أرواح.
- كلامك يا هذا في النّافخات زمر.
- كلبْ دلّى مشى و ولّى .
75 - كلّ إناء بما فيه يرشح.
- كل شاه معلقه من كراعها.
- كل شيخ و برهانو و كل عود و دخّانو.
- كلّم عربي تخسر خبزه.
- كلمه في الصباح  و كلمه في العشيه   ترد المسلمة يهودية .
80 - كل فول لاهي في نوارو
- كل قْبيله فيها هبيله
- كلمة لا اله ألا الله فيها حصّيله .  قد تكون مما يذكره الموريسكيون  نتيجة معاناتهم  بسبب  المسيحيين في إسبانيا في محاكم التفتيش
- كلبْ بحرْ يتزعبنْ على فكرونهْ.
- كلب نبح لا عظ لا جرح.
85 - الكلب الأحمر يحسب روحو عجل بين العجول .
- كلب الطّاحونه يعيش على دقيق النّاس.
- كلام مخروم
- كل بلاد و ارطالها
- كي الحلفاء ما يطيب كان بالرزام.

90

- كي الحمص في قاع الطّنجرهّ
- كلّ شي بالكيف ما يجي شي بالسّيف.
- كل شي حباس إلاّ النّظر يا ناس.
- كلّمو طولْ يجاوْبكْ عرضْ.
- كلا ما كلا الطبل نهار العيد
95 - كلا طريحة نباش القبور.
- كلمة لا ما تجيب بلاء.
- الكلام عليه و المعنى على جارتي .
- كلام الليل مدهون بالزّبده يطلع عليه النّهار يذوب.
- ك القرنيط ما يطيب كان بالرزام.
100 - كلام يهزّو الريح.
- الكلام الصندي .  تلقاه عندي.
- ك الكفن القصير إذا غطّاولو بيه راسو تتعرى ساقيه و إذا غطاولو بيه ساقيه يتعرى راسو.
  - كلينا مع بعضنا  ماء و ملح.
  - كلمة رجال
105 - ك الفرده كي السكاره
  - كلمه في الوجه و لا غصه في القلب
  - كل شي حباس إلا النظر يا ناس
  - كلامك مع إلي ما يفهمكشي ينقص م الأعمار
  - كل جنس يميح لجنسو .
110 - ك الملح ما يغيب على طعام
  - ك لحية البباص    
  - كلا طريحه باللعب و الضحك    
  - ك الّي يلبول في الرمل    
- ك المنشار طالع ياكل هابط ياكل    
115 - كلب ينبح على طياره    
- كلب الجريدما يتجسس سيبو على راسو يجي على ساقيه.    
  - كلّ حلاّفْ كذّابْ.    
- كل شي في السوق و الي يعظم يذوق    
- ك البحر إلي يذوق ماه يعرف داه    
120 - كلْ حدْ يلبسْ منْ صندوقو.    
  - كل بصّه بوضوها    
- كل عتبه تعيّط باسم ساكنها, و كل خبزه تعيّط باسم واكلها.    
- كل واحد و زهرو. زهرو= بخته.  
- كل يد خذات أختها.    
125 - ك الحنه في ساق البغل    
- كمّونو سوّس.   أي تجاوزته الأحداث و لم يعد قادرا على مواكبتها.
- ك النعش يدي ما يرد
  - كي نواحة العاليه كراووها بويبه سكتوها بقفيز.    
  - ك هلال العيدْ    
130 - كون ذيب لا تاكلك الأذياب (أو الصّيوده).
- كولْ بعرقْ جبينكْ.    
- كول على كيفك و البس على كيف النّاس.
- كول ما حضر و البس ما ستر
- كيف سلوم النصارى الطول و الخساره
135 - كيد النساء كيدين و كيد الرجال سطّاش.
  - كيف الزّنبيل أولو للغبار و عقابو للنّار.    
  - كيف حي شاهي بسره  و كيف مات علقولو عرجون.    
  - كيف كيف
  - ك الكبير ك الصغير ك الّي يدبو ع الحصير.
140 - كي سوق بوزديره.  أي هو فوضوي سائب لا ضوابط له.
  - كل شاه معلّقه من كراعها.
  - كل شي بالحيله صب الزّيت تشعل الفتيله.
  - كل شي ينقص إلاّ الكلام يزيد.
  - كي بهيم الطّاحونه التعب و الضّيق يرحي و ما يشوفش دقيقّ
145 - كي تسرق صمعه حضّرلها بير.
  - كي كان حي اشتهى بسره كي مات علقولو عرجون
  - كي العقرب شوكتها ديمه واقفه.
  - كينّو ياكل في النخّاله.  أي هو ضعيف لا يقدر على إنجاز المهمّة المناطة بعهدته.
  - كي الموثق في النّخاله.
150 - كيما ولدو كيما ربيبو؟!
  - كيف الشهيلي يطيب للغير
  - كيف المتحزّم بالمفترشه.  المفترشه =نبات طويل السّاق و ينمو ملتصقا بالأرض.  
  - كليت من عصيدتو !   تقال  لتنبيه  الصغير الذي لا يكلم الشخص الأكبر منه بأدب و لياقة و احترام
  - كي حوت القاله ياكل الطّعام و يخرّ على الصّنّارة.    
155 - كي الكلب المكلوب.    
  - كي الكوره بين الذّكوره    
  - كي المعيز ياكل و يصيح.    
  - كي العصفور ياكل و يوتوت.    
  - كي العلقه يشدّ ما يسيّب.    
160 - كي عكّاز الأعمى مرّة في الطّهر و مرّة في النّجاسة.    
  - كي مفتاح سعد الله يجي يحل يسكّر.    
  - كي الملح ما يغيب على طعام.    
  - كي مسمار جحا.    
  - كي هلال العيد.   - يقال أيضا كي الهلال ما يظهر كان راس الشهر.
165 - كي ناقل الرّيشه تهزّها تندم تخلّيها تندم !    
  - كي النّعش يزّ ما يردّ.    
  - كي يموت الجمل تتفرّق العدايل .    

  Partager

ء ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
الثقافة و الفنون بمنزل جميل
السينما بمنزل جميل
الممسرح بمنزل جميل
الشعر بمنزل جميل
القصة و الرواية بمنزل جميل
الموسيقى و الغناء
الرسم و التّصوير
المكتبات
الثقافة الشعبية
الأمثال و الأقوال
قصص و طرائف
الأهازيج و الألعاب
ألغاز
المعتقدات
العادات و التقاليد

الصفحة السابقة

طبع الصفحة

الصفحة الرئيسية | صور | غابة الرمال | الفضاء | التاريخ | من أنا؟ | عائلتي | عائلات منزل جميل | المعالم الدينية | أمثال و أقوال | المنظمات و الجمعيات | المؤسسات | الثقافة و الفنون | ناس مروا | المتحف | راسلونا

Copyright 2012©2015 leplacartuel.com