ء ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
حرف الهمزة 2
ع/ر

المثل أو القول السائر

شروح

ملاحظات

1 - إلّي تضربو يدّو ما توجعوش .    
  - إلّي تطل على تراكنها ترفق بحالها و بجارتها    
  - إلّي تْعينو الأيّامْ حتّى م الأرْياحْ تقشقشلو.    
    إلّي تموت أمّو يتهدْ فُمُّو.    
5 - إلي تولد الذكر أيامها عكر    
  - إلّي ثمّه على برّه.    
  - إلّي جابتّو ساقيه العصا ليه. جابتو=جاءت به .  ساقيه= ساقاه. ليه= له .  
  - إلي جاك في الطبعة و الزلق امشيلو في الحمة و العرق    
  إلي حج حج و الي عوّق عوّق    
10 - إلّي حلبتّو مباركه غسلت بيه حرامها.    
  - إلّي حلبتو لكل تبزّع.    
  - إلّي حيوط دارو بلاّر ما يحاجرش النّاس.    
  - إلّي خافْ نجا.    
  إلي خذالك خبالك    
15 - إلي خلّف ما مات    
  - إلي دارو بالبلار ما يضربش الناس بالطوب    
  - إلّي راك راه و الي ما راكش ما تراهش.    
  - إلي سمانا عرب هرب    
  - إلّي سمّاك أغناك .    
20 - إلي صباطك قد صباطو  أخطاك من خلاطو    
  - إلّي ضاع صباحو ضاع رباحو    
  - إلّي فات مات.وإلّي مضى ما نعدّوه!    
  - إلي فاتك أغرب    
  - إلّي فايتك بليله أزيد منّك بحيله.    
25 - إلي في صندوقو فوقو    
  - إلّي في قلبو المشوم يبات يحلم بيه.    
  - إلي فيه طبه عمرها ما تتخبا و إلّي فيه صنعه عمرو ما ينساها.    
  - إلي فيك  ردو فيّ    
  - إلي قسمو فيه  ربي ياتي بيه    
30 - إلي قص لو  الحاكم  وذنو ما يتسماش عكروت    
  - إلّي قلبو كبير ربّي يعطيه.    
  - إلي عاملك على قوتك عاملك على موتك .    
  - إلّي عطاك حبل كتّفو بيه .    
  - إلّي عطى بنتو  ايس من رقادها .    
35 - إلّي عطى كلمتو عطى رقبتو.    
  - إلّي عملت ايدو ربّي يْزيدو.     يقال أيضا إلّي عمل عمل بـايدو  ربّي يْزيدو.
  - إلي عمل في صغرو زانو و الي عمل في كبرو شانو    
  - إلي عندك عندي و الفاضل نقسموه.    
  - إلي  عندو الكعب يعمل إلي يحب    
40 - إلّي عندو بخت  تحطّبْلو الأرياحْ.    
  - إلّي ما عندوشي شاهد كذّاب.    
  - إلي عينو بالنواح يبداه م الصباح.  عينو=يرغب   يقال أيضا يقوملو ع الصباح عوضا عن يبداه م الصباح .
  - إلي عينيه فيه ما توريه    
  - إلّي غابْ غابْ سهمو.    
45 - إلّي كتّفني أنا يفتلّك انت    
  - إلّي لا عرس لا بنى ما يعرف مالو وين مشى.    
  - إلّي لاقالك زنبيلو عبّيلو.    
  - إلي ليك ليك و الي خاطيك خاطيك.    
  - إلي ما تفرقو المنيه تفرقو الثنيه    
50 - إلي ما تعرفشي تندب لواه يموت راجلها.    
  - إلّي ما تعرفشي تغسل الدّوّاره و ما تعرفشي تشعّل الكانون بشراره ماخذتها في ولد النّاس خساره.    
  - إلّي ما يرجّعشْ الثّارْ بوه حْمارْ.    
  - إلّي ما يربّيّوهش أهلو يربّيه الزّمان.    
  - إلّي ما يشبع م القصعه ما يشبع من لحيسها .    
55  إلّي مات ارتاح.    
  - إلّي مات بالشبعة الله لا تقوم فيه.    
  - إلي ماتت أمو تهد فمّو    
  - إلّي ما تعينو الأيّام ما تعينو الليالي .    
  - إلي مش امالف بالبخور تتحرق حوايجو    
60 - إلّي امّالف ياكل منّك كي يراك يجوع.    
  - إلي ما يدري يقول سبوت .   ( يقال أيضا إلي ما يدري عزاها يقول سبول)؟
  - إلّي ما ياخو من نصّو عقلو خصّو.    
  - إلّي ما يفديش الثّار بوه حمار.   أ(ويقال أيضا إلي ما  يردّش . )
  - إلّي ما يفهمشي بالعزّ يفهم بالدّزّ .    
65 - إلي مكتوب ع الجبين لازم تشوفو العين .   (يقال أيضا باش يصيرعوضا عن لازم تشوفو العين .
  - إلّي مكتوبلو الشّقاء ما يعيشش مرتاح.    
  - إلي ما يسمعش كلام كبيرو الهم تدبيرو.    
  - إلّي ما يشبع م القصعه ما يشبع من لحيسها .    
  - إلّي ما يشقى ما يلقى.    
70 - إلي ما يعزها زندها ما يعزها ولدها    
  - إلّي ما يقراش  العواقبْ ما عندوشْ في الدّهرْ صاحبْ.    
  - إلي من تالت النساء في الكساء  و إلي من تالت الرجال في الأحبال    
  - إلي ناويه النديب قاريه السلوفي    
  - إلّي هاربْ منّكْ ما تجري وراهْ.    
  - إلّي هزّتّو ساقيه العصا ليه    
75 - إلّي وجها يفجعها رزق بوها ينفعها.    
  - إذا ولدكم ضرب ولدنا هاذيكه حال الدّنيا و إذا ولدنا ضرب ولدكم شام النّهار.    
  - إلي ياخو يصل و ألي  يعطي يصل و إلي يقص بلاش مفصل العظم  يتكسر .    
  - إلّ يبني في غير بلادو لا ليه لا لولادو.    
  - إلّي يبدّل لحيه بلحيه  يخسرهم لثنين.    
80 - إلّي يبدّل مات يعيشش.    
  - إلّي يتكلّم  ع القي لا ربح لا في. القي=القيء - الفي = الفيء و يقصد به هنا التبذير  
  - إلّي يشّرّط و يختار يقعد في الشّماته و العار.    
  - إلّي يحب في أرضو العفس يزرع توتة.    
  - إلّي يحب الكل  يخسر الكل    
  - إلّي يحب الللّو يسهر الليل لكلو.    
85 - إلّي يحبّوه يخنقوه .    
  - إلّي يحبّك يسقّطلك و إلّي يكرهك يلقّطلك.    
  - إلّي يحسب وحدو يفضل لو .   يقال في الحث على الواقعية و مشاركة الآخرين و عدم العيش في الأوهام.
  - إلّي يحشم من بنت عمّو ما يضناش.    
  - إلّي يحبّك حبّو المحبه كيف, و الّي يسبّك سبّو و لو يكون بوه شريف,و إلّي يدزّك دزّو و لو يكون على مطريف.    
90 - إلي يجيبو النهار يديه الليل.    
  - إلّي يختار يقعد  في الشماته و العار.    (يقال أيضا يطيح عوضا عن يقعد)
  - إلّي يخدمْ يلقى.    
  - إلّي يخونها ذراعها تقولْ مسحوره.    
  - إلّي يدّخّلْ في ما لا يعنيه  يسمع إلّي ما يرضيه.    
95 - ألّي يصبرْ ينالْ.    
  - إلّي يصدّق دقّازه يكذّب ميات نبي.  الدقازة هي البصّارة أو الشوّافة التي تقرأ الغيب و تعرفه.//ميات= مئة=100  
  - إلّي يصورو ماشي في الطّاسة و الدّخّان.   يقال أيضا يضيّعو و يحطّو عوضا عن ماشي.
  - إلّي يستعرف بذنبو لا ذنب الله عليه.    
  - إلّي يستنى خير م اللي يتمنى.    
100 - إلّي يسرق عضمه يسرقْ بقره.    
  - إلّي يسرق يغلب إلّي يحاحي.    
  - إلّي يسكر ما يتاجر.    
  - إلّي يسمع يفزعْ و إلّي يطلْ يُهْرُبْ    
  - إلي يشتهي شهوه يدنيها في عشاه    يقال أيضا يحطّها عوضا عن يدنّيها البدوية
105 - إلي يشقى يلقى     يقال أيضا إلّي يعمل يلقى .
  -إلّي يقعد في الدار يدّي الكراء.    يقال أيضا يخلّص عوضا عن يدّي بمعنى يؤدّي.
  - إلّي يعمل الخير ما يشاورش.    
  - إلّي يعمل طاحونه يعمللها دندان.    يقال أيضا جلاجل عوضا عن دندان.
  - إلّي يعمل قربه على ظهرو تقطرْ .    
110 - إلي يعمّل عليك يبات بلاش عشاء.    
  - إلّي يعمل يلقى.    
  - إلّي يعوم يعوم في الغارق ما يعومش في الـڤلت.    
  - إلّي يغلبك يجي يحاسبني.    
  - إلي  اعطاك حبل كتفو بيه .     يقال أيضا إلّي يعطيك حبل ...
115 - إلي يقول الحق راسو يتشق    
  - إلّي يموت مجنون يخفّف ع الملايكه.    
  - إلّي هارب عليك ما تجري وراه.    
  - أما إنت وحيّد.    
  - أما طوره و إلا فوره و إلاّ طيحه في المطموره.    
120 - إمّالي الميتْ ساكْتينْ و العزّايا كلاو رواحهمْ.    
   إمّا وافق و إلاّ نافق و إلا اخرج م البلاد.    
  - الأمانه سوّدتْ وجهْ الغْرابْ    
  - أمرا  وحدها  ما تعمر دار    
  - أمر السْلاطينْ طاعه.    
125 - امسحوا في لحيتي هاني ماشي للحمام    
  - امش بالنيه و ارقد في الثنيه    
  - امش بمداسه حتى توجد الصباط    
  - امش تلقاش بهيم قلّعلو سفايحو.    
  - امش دبّه دبّه و المباتْ في سيدي الهاني.    
130 - امش الحيط الحيط    
  -  امش الظل الظل    
  - امش كنس كنس    
  - أنا غنيه و نحب الهديه    
  - أنا نقلو ثور  و هو يقلي أيا نحلبوه    
135  - أنا ما نقلّك و انت ما يخفاكْ.    
  - أنا ما نراكش خلق.    
  - أنا  اللّحمْ و انت السّكّينْ.     يعوّض الضمير أنا ببقية الضمائر.
  - إن شاء الله خالق م  الأرحامْ داخلْ لدين الاسلامْ.    
  - إن شا الله في راسو .     - تقال لمن  يأتي بخبر مشؤوم .
140 - ان شاء الله من فمك لربي    

  يقال أيضا للسماء عوضا عن لربّي  .

  - إن شاء الله لا سو و لا سويّـه    
  - إن شاء الله لباس.    
  -إنت عليك بالحركه و ربّي عليه بالبركه.    يقال أيضا و أنا عوضا عن و ربّي على لسان الله تعالى.
  - الأنثى زرّيعة إبليس فيسع ما تكبر .    مثل تحقيري يحيل على الخوف من إنجاب الأنثى و ما ينتج عنه من مسؤوليات سريعا.
145 - انشد على جدّو و جدّ بوه .    
  - انشد على صاحبك استغناشي أما الطبيعه هي هي.    
  - أهل السعود تحطّبلها الأرياحْ.    
  - أهل العقول في راحه.    
  - أهل الميت صابرين و المعزّين كافرين.    
150 - أوزنْ كلامكْ.    
  - أولاد السّرّاق يطلعوا يأذّنوا!    
  - أولنا صغار و عقابنا صْغارْ.      يقال أيضا آخرنا عوضا عن عقابنا
  - أوّلها وفقه و عقابها سلامه.    
  - أوّلهم  ما  يبيض و  عقابهم  ما يفقس    

  Partager

ء ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي
الثقافة و الفنون بمنزل جميل
السينما بمنزل جميل
الممسرح بمنزل جميل
الشعر بمنزل جميل
القصة و الرواية بمنزل جميل
الموسيقى و الغناء
الرسم و التّصوير
المكتبات
الثقافة الشعبية
الأمثال و الأقوال
قصص و طرائف
الأهازيج و الألعاب
ألغاز
المعتقدات
العادات و التقاليد

الصفحة السابقة

طبع الصفحة

الصفحة الرئيسية | صور | غابة الرمال | الفضاء | التاريخ | من أنا؟ | عائلتي | عائلات منزل جميل | المعالم الدينية | أمثال و أقوال | المنظمات و الجمعيات | المؤسسات | الثقافة و الفنون | ناس مروا | المتحف | راسلونا

Copyright 2012©2015 leplacartuel.com