|
البرتابل(=الهاتف
الجوال)(بالدّارجة
التونسية) |
|
الفصل 1
مجموعة من التلاميذ مجتمعون يمرّ
بهم 2 |
|
(يقبض على 2 ماسكا إيّاه من رقبته) ايجه لهنا. |
1 |
|
(مدافعا
خائفا) و الله ما عملت شي و الله ما عملت شي. |
2 |
|
.(ساخرا)
و الله ما عملت شي ! اسمع أنا ما نفهم شي. الكار هبطتنا بعيد
و راسي يوجع م الصّياح و العياط و توّه 100 باش ناخو قارو
|
1 |
|
و الله ما
عندي. |
2 |
|
(ساخرا) و
الله ما عندك!.شدّوه خلّيني نفركسو. |
1 |
|
(يقبضون
عليه) |
2 |
|
(يبحثه
فلا يجد شيئا) و الله صحيح !اليوم ظاهر فيه فالس...موش كي العاده . |
1 |
|
بابا. ما
عادش يحب يعطيني الفلوس. قال لّي مصروفك برشه. |
2 |
|
(مستهزئا)
حرت المره
هذي إي ماهو اتّكا على ماما. |
1 |
|
حتى هو
يصرف ع الكلّ. |
واحد
من الحاضرين |
|
(بصفاقة)
و ما زال يصرف. تره تره نزيد نفركسو يطلعشي عندو جيب سرّي.
(يحاول
الهرب فيقبضون عليه) وين هارب .(يبحثه فيخرج قطعة حلوى) شو ولد
ناناتي ما زال يمص في الحلوى كي الـ
BEBE
|
1 |
|
سيّبوه
يزّيو عليه. الصّحبة صحبة و النية ما ثمّاش. |
المار
|
|
(يصفعه)
من تدخّل في ما لا يعنيه لقي ما لا يرضيه.(فينصرف مخذولا). |
1 |
|
و الله ما
عندي |
2 |
|
و الله ما
عندك.تره نشوف.شدّوه. |
1 |
|
و الله
كيما قتلك ( يحملونه و رأسه إلى أسفل فيسقط هاتفه.) |
2 |
|
و مظخم.
بقدّاش شريتو. أيه بقدّاش تخرج منو .Portable
يا
(يمسكه
بيده)تره نشوف قيه و و إلاّ فدّاش فالس زاده( يضغط أزراره و
يبحث )أميره... أسماء.ريم .(ثم يتوقف فجأة) آشكوني هذه صاحيبتك .
تره نشوفوها.(يطلب الرقم) آلو آلو
وي ساره
سافا
(كأنّما يصفع) سمعتو سخسختني ما خلاّتش فيه. طلعت أخته إمّالا حق
الزوز كفوف قول للبورتابل باي باي |
1 |
|
و الله
بابا إلا ما يقتلني ... تو نشكي بيكم |
2 |
|
الفصل 2
4 تلاميذ في انتظار الدخول إلى مجلس التربية |
|
محكمه |
التلميذ الثاني |
|
ما زالت النمحكمه حتى ندخلو
لداخل |
التلميذ الأول |
|
زعمه |آش كون يدخل الأول ؟ |
التلميذ الثالث |
|
أنا. |
التلميذ الأول |
|
لواه آش عملت ؟ |
التلميذ الرابع |
|
أنا من إلّي خرجت من
كرش أمّي و هوما يضربو فيّ ...ما ثمّاش نهار ما كليتش فيه طريحه...كي
نخرج م الدار يضربوني ...و كي ندخل يضربوني...ما نعرفش علاش...كي
مشيت للكتّاب قلت رتحت م الطّرايح توه سيدي المدب ما يخليهمش
يضربوني أأما خساره طلع عاشق ضربي...أي واحد يعمل عمله توحل في
راسي...و الفلقه ...عندكم الحقّ ما تعرفوهاش الفلقه... قالك ياسيدي
الفلقه و العصا هوما إلّي يطلّعو الرجال...يبدا يدوّر يدور يدور و
يكبس...شد من غادي ...شد من غادي...شطاف...شطاف...يا بابا ساقيا
..يا بابا ساقيا...بعدها قطعت للمدرسه...أصحابي يشوّشو ...و ما
نعرف كيفاش... ما توحل كان في راسي...هو في الحقيقه الضرب
ممنوع... أما آش باش نعملو والفنا م الدار و هوما يفشخو فينا
...حاجه عاديه حاجه عاديه...العصا هاكه طولها يشدني بيها على
يديا...اقلب يدك ...كمّض صوابعك...مد يدك الأخرى...آه تلوص و
تتخوبث ...عاود الحساب م الأول...طراف طراف على يدا . و على راسي .
و على اجنابي و على قفايا .وين تخطف تخطف.يا بابا يا أمي ...حتى حد
ما يسمعني...حتى كي طلعت لليسيه...و قلت الضرب ممنوع...توه ما
يضربونيش.. هو صحيح ما ضربونيش أما و لاو أصحابي يعرضولي. و يضبوني
..و في القسم يتحلّفو فيّ و كي نخرج يشدّوني النبي حبيبك...الكف و
الشفليقه...وين تخطف تخطف...يا ما كليت ضرب ما نحكيلكمش ...ما كمشي
مصدّقيني...اسألوا اسألوا خدّي إلّي كلا الكف حتّى شبع...اسألوا
يدّي آش كلات ضرب...اسألوا أجنابي..اسألوا ساقيّ... يا ما
تظلمت...و قدّاش ثمة مظلومين ...كارني موش أنا نتعدا ع الكنساي ...كارهم
هوما ... كل إلّي مارسو العنف ضدّي جيت نشهد وحلت ولّيت أنا الظالم
وحلت في راسي...ثمه ربّي توه ياخولي حقّي... |
التلميذ الأول |
|
و الله سخّفتني مظلوم ! آش باش نقول لكم الشي دابغ فيّ آش قال
الطّبيب ...لكلّنا عائله هكه ...في المكتب عطاوني ورقه باش نشوفو
الأسباب...و بعد التحاليل لكل قالي الدكتور الشي دابغ
فيك..وراثي...جينيتيك....آش باش نحكيلكم و آش باش نقلكم ...إيجه
نحكيلكم ...في دارنا تقول حرب قائمه بين بابا و أمّي...بابا ديمه
عامل آلارتAlerte
تقول محمد علي كلايفي زمانو...و أمّي ما تسكتلوش...كي حسن و حسين
...ساعات تلحم ...هاك إلّي يحلّو بيه العجين (يشير بيديه إلى كيفية
حل العجين) تي هاك القلقال ما تفيق بيه كان طاير في السماء .سبحان
الله ...الطبيعه متقاربه ... و رغم هذا لكل متوافقين ...يتغشّو و
فيسع ما يرجعو .. الشيء هذا موجود عند العايله لكل ...عمي و عمتي و
خالي و خالتي و بابا عزيزي..و هاكا بابا عزيزي...أبا با باب هو
إلّي خرّج فرانسا من تونس..هاو منا..و هاو منا..و هاك الضرب ...هو
الكل في الكل....كان موش القوه و الشجاعه متاعو راهي لتوه موجوده
...آش باشي نقول لكم ... كي المرّيكه نتفكّرها كي تو شرى كواترو
مكتوب فيه
"لا للعنف"
حب يعلّقو في الصاله باش نراووه الناس لكل لعل يخف العنف و الستراسStress
في الدار......عاده حب نعاونو ...شد يدق في المسمار... من القوه
متاع بابا خرج المسمار م الحيط جاء في دار الجيران قالي مد مسمار
آخر ..أنا ما سمعتوش لاهي نتفرج في فيلم آكسيون ما
أحلاه ضرب بونيه موش نرمال...و أنا نقلد فيهم ما نفيق كان بابا
تنرفز شيع هاك المطرقة إلّي في يدّو جابهالي بين العينين ...جيت
خيط..مادد الإربعه..ما في عيني بله ... آما فيسع قمت دايخ ...هبطلي
بابا ما تقولوشي قال اسم الله على ولدي و إلاّ آش بيك اللطف عليك.
هبط كيما عندي تو و هاك الكواترو
"لا للعنف"
في يدّو طاف طاف على راسي على راسي هاو العنف هاو
العنف هاو العنف ...حاصيلو ليسهولي ...(يتنهد غاضبا) حاصيلو لوكان
نلقاه إلي باع لبابا الكواترو إلآ ما نوريه ..آش علينا أنا آش نوه
ذنبي لقيت عركه في الليسيه
Lycée
حصت مع المغلوب و فششختهم...و الله ما نعرف آشكون هوما ... و
الله ما نعرف كيفاش دخلت في المعمعه و ما نيش فاهم علاش
متعدّي ع الكنساي ...إنتم فهمتوشي حاجه ..أنا آش نوه ذنبي
الشيء دابغ فينا ...جينيتيك
Génétique... |
التلميذ الثاني |
|
و الله جينيتيك
Génétique
أنا ديمه قدّام التلفزه
كي العباد لكل...أما أنا جوّي وحدو ...كاراتي يا يو..
بوكس باف باف باف...مصارعه شطاف شطاف...مره خذاتني
عيني حلمت بوحي ناكل في واحد بطريحه قمت الصباح بين نومين
قلت هيا بره نجرّب ...عرضني واحد...عطيتو طريحه... قاديت فيه
الفازات لكل... تلطخ مادريه ...جاء مادد الأربعه...نخزر ليدي
و ما صدقتش أنا نعمل هذا لكل...ياخي آش نوه ذنبي...التلفزة تتعدى ع
الكنساي و إلا أنا...يحطو في أفلام العنف للصغار و الكبار...أنا آش
نوه ذنبي و هو آش نوه ذنبو... |
التلميذ الثالث |
|
الفصل 3 |
|
(يدخل
وتبدو يده مجبرة دون أن يسلّم) |
1 |
|
و عليكم
السلام و رحمة الله و بركاته.يا ولدي ماهو كي نزوزو نقولو السلام
عليكم. |
الأستاذ1 |
|
عاود اخرج
و قول السلام عليكم |
الأستاذ 2 |
|
(يخرج ثم
يدخل) السلام
. |
1 |
|
و عليكم
السلام و رحمة الله و بركاته. |
الأستاذان |
|
إي هكه
خير. |
الأستاذ2 |
|
آش عملت
ها المرّه يا ولدي . |
الأستاذ1 |
|
(متباكيا)
و الله مظلوم ما عملت شيء. |
1 |
|
(كي تكمل
الفيلم قولنا وين البرتابل متاع صاحبك. |
الأستاذ2 |
|
آما
برتابل... و الله ما عندي شيء.باش تلبسوني تهمه... و الله ما
نعرف شيء. |
1 |
|
هذي
تصحاحتك. |
الأستاذ1 |
|
إي
تصحاحتي .أما أجبروني عليها. |
1 |
|
ما حقهمش.قول
الحقيقه و إيجه للصحيح تو نخففوا عليك. |
الأستاذ2 |
|
هذيكه
الحقيقه ياخي باش نزيد حاجه من راسي . |
1 |
|
راهي موشي
المره الأولى تتعد ع الكنساي. |
الأستاذ1 |
|
دوسيك
محمّم.ما لقينا وين نكتبو عملنالك أوراق إضافيه...اتفرّج...عنف
لفظي...تشويش...طيحت صاحبك في حصة الرياضه...سرقت الريجيستر... و
دلست بطاقة الدخول ..ضربت بالعظم ...آش ما زلت ما عملتش...لو كان
نسيبوك إلا ما تطيح روح في ها المدرسه... |
الأستاذ2 |
|
مظلوم
ديمه تجي في راسي... |
1 |
|
لا ملايكه
على وجه الأرض...أماله آش كون عمل هذا لكل. |
الأستاذ1 |
|
(يشير
بيده) أيا دخلو صاحبو... |
الأستاذ2 |
|
(يدخل)السلام عليكم. |
2 |
|
و عليكم
السلام و رحمة الله و بركاته. |
الجميع |
|
آش عملك
يا ولدي.. |
الأستاذ1 |
|
(يتردد) |
2 |
|
إتكلم. |
الأستاذ2 |
|
(ينتقل
إلأى الجهة الأخرى من الركح) أنا خايف... |
2 |
|
ما تخافش
هانا معاك. |
الأستاذ1 |
|
سيدي هذا
ضربني و فكلي بورتابلويا. |
2 |
|
(يتباكى)أنا نضربو ..كيفاش هو أطول مني و أخشن... |
1 |
|
آش عملك
بالضبط يا ولدي أحكي الحكايه. |
الأستاذ2 |
|
سيدي هذا
التلامذه لكل يفكلهم في فلوسهم. |
2 |
|
لواه
يفكّلهم في فلوسهم .آش باش يعمل بيهم ؟ |
الأستاذ1 |
|
(يشير
بيده إلى فمه شأن من يدخّن و هو يمسك سيجارة) |
2 |
|
يا وحيّد
..فقنا بيك ... هه ...تفكّلهم في فلوسهم باش تشري الدّخّان ...إماله
عاملي عصابه في المدرسه...هذا لكل و ما عملت شيء!.ماكش باش تجي
للصواب تو...؟؟؟ |
الأستاذ2 |
|
ما
فكيتش... ياخي باشي تلبّسوني تهمه. |
1 |
|
(يمد
بهاتفه الجوال) يا سي محمد أعطيه البرتابل خليه يطلب روحو. |
الأستاذ1 |
|
(يضطرب و
يخاف و يهمّ بوضع يده في جيبه) |
1 |
|
نحي يديك
من جيبك و آقف مستقيم ربع يديك.ما تلمس شيء. |
الأستاذ 2 |
|
(يركب
رقمه و ينتظر الإجابة فيرن هاتفه في جوربه و ينكشف أمره) |
2 |
|
هيا سيدي
مد هاك البرتابل و حطو هنا على الطاوله. |
الأستاذ 1 |
|
أما
برتابل . |
1 |
|
أيا يزي م
التبهنيس . وفات المسرحيه. |
الأستاذ 2 |
|
( يمد
الهاتف الجوال . و يضعه على الطاولة) |
1 |
|
(يرى
هاتفه فيصيح فرحا) برتابلويا و الله هو و الله هو. فلوسو
حلال (يلتفت إلى 1 ) آهوكه ربي كشفك يا ظالم يا سرّاق
البرتابلوات...
ستار |
2 |
