مسرحية
مدرسيّة بعنوان
عرق الجبين (باللهجة الدارجة التونسية)
1
(بعد الانتهاء من الطّعام) |
|
سي عبد الرزاق |
(يمسح على فمه ثم بطنه)الحمد لله ملا عشاء
قمقوم...زايد معاك يا سي القايد. |
|
القايد |
كلو من خيرك يا سي عبد الرزّاق. |
|
سي عبد الرزاق |
ما تقولش ها الكلام. أنت تعرف الود الي
بيناتنا يا سي القايد. |
|
القايد |
هيا اجبدولنا هدرة أخرى غير الماكله. |
|
سي عبد الرزاق |
(متذكرا) آ فكرتني آش يكون ها الي يوسخلي في
سمعتي في غيابي. |
|
المرافق |
(جالسا أرضا)سارح ما اخيب منظرو يقول
إلي ما دفعتلوشي أجر عام كامل. |
|
القايد |
آش كون يصدق ها الكلام سي عبد الرزاق و من
أدراك ما يدفعشي أجر سارح؟ |
|
المرافق |
موش معقول أنا ما نصدّقشي. |
|
سي عبد الرزاق |
(صارخا) دخّلوه. |
|
القايد |
لا ...أدبوه ...علقوه في الفلقه...خلّيه
يتعلّم يكذب على أسيادو. |
|
المرافق |
(خائفا) سيدي راني طرّدتو...(ساخرا لاويا
شفتيه) قال يطالب بحقّو. |
|
القايد |
(مستغربا)حقّو... |
|
المرافق |
لا يحقّلو حق... |
|
سي عبد الرزاق |
(في ترفّع)أنا سي عبد الرزاق و من أدراك
نطمع في فلوس سارح فقير عريان قريان!... |
|
القايد |
أنا نفسي ما نصدّقش. |
|
المرافق |
و على هذا طرّدتو يا سيدي..أما راهو مصر
على مقابلتك. |
|
سي عبد الرزاق |
(متعجبا) يقابلني!...أيا توه وقات الحفله...ما
نقابل حدّ. |
|
القايد |
يا و الله عجب رجل محترم يوسّخولو في
سمعتو...(ساخرا)قال يطالب بحقّو |
|
المرافق |
لا يحقلو حق. ما يكون كان ظالم. |
|
سي عبد الرزاق |
التواصل عندي...أنا متاع هذا! .أنا متاع
هذا! ملا كذب و ادّعاء. |
|
( يخرجون) |
2
في صحراء واسعة |
|
الراعي |
(يرفع يديه بالدعاء) شكيتك لربي يا سي عبد
الرزاق...شكيتك لربي...كليت لي عرقي ...و جوّعت لي أولادي...ثمَّ
ربي في الوجود...ثمَّ ربي في الوجود...(يخاف من الشيخح الذي يصادفه
ماشيا) اسم الله الرحمان الرحيم ...اسم الله...(يعود إليه
اطمئنانه) صباح الخير يا سيدي الشيخ. |
|
الشيخ |
صباح الخير يا وليدي ...آش تعمل وحدك في هخا
اتلخلاء؟ |
|
الراعي |
وين عندي نمشي . المدينه طردتني و كلاتلي
حقّي.ما عادش راجعلها...نعيش بين الذياب و الصيوده و لا ذل إلّي
ياكلولي عرقي. |
|
الشيخ |
(يشير بالجلوس) اقعد يا وليدي و احك
لي الحكايه . |
|
الراعي |
(يجلس)إيه يا بابا آش نقلك و آش نحكيلك .
عام كامل مع سي عبد الرزاق .سمنتلو البل متاعو و
رعيتها و خدمتو بعينيَّ .و أخرتها هذا كفويا. ما عادش خادم معاه.
ما عادش ضارب معاه حتى ضربه. |
|
الشيخ |
يا وليدي الحق حق و إلي يمسي وراء حقّو ما
يضيعلوش. |
|
الراعي |
أنا يئست .حفيت.و ما نجّمت ناخو صرف من عدل. |
|
الشيخ |
يا ولدي برّه لوّجلي على ليفة صوف من الشوك. |
|
الراعي |
(متعجّبا) ليفة صوف؟! |
|
الشيخ |
برّه ربّي يفتح عليك. |
|
الراعي |
حاضر سيدي الشيخ(يذهب و يعود باتلليفة
سريعا) ها هي تفضل. |
|
الشيخ |
لا يا ولدي خلّيها عندك(يخرج حقّ النفّة و
يستنشق ثمّ يمدّ الحقّ إلى الراعي ) دقّ نفّه... و إلا تعرف كيفاش
خوذها بكل و ارجع لخدمتك و كي تكمّلها و وين تعرق امسح بيها
جبينك و حطّها في ها الحكه و كي تتنفخ مليح مليح حطّها تحت
القتب متاع الفحل . و يعمل الله دليل. |
|
الراعي |
حاضر سيدي الشيخ. أيا بخاطرك. و الله أنا
متفائل بيك خير. |
3
(جمل بارك و رجال متجمعون حوله) |
|
سي عبد الرزاق |
(صائحا)آش ثمه. آش ثمة ها الحضبه. |
|
المرافق |
الجمل متاع سيادتك قال ألف و أعوذ بالله لا
نقوم. |
|
سي عبد الرزاق |
ما باش يقوم...جربوا معاه المستحيلات
لكل...لا تموت البل بالشر! |
|
المرافق |
يا سيدي جرّبنا معاه الوسايل لكل و النافع
الله. |
|
الشيخ |
آش بيكم؟... لباس عليكم؟ |
|
سي عبد الرزاق |
ها الجمل ما باش يقوم. البل لكل باش تموت و
تضيع. |
|
الشيخ |
الحل موجود. |
|
المرافق |
قال الحل موجود...طرررر!جرّبنا كل الطّرق من
غير فايده..أيا توه تنصرها. |
|
الشيخ |
قلت لكم الحل موجود يعني الحل موجود. |
|
سي عبد الرزاق |
بره يا سيدي على يديك نحجّو.كيفاش؟ |
|
الشيخ |
البل عندها راعي و إلاّ لا؟ |
|
المرافق |
عندها أما وينو. اليوم ما جاش. ظاهر فيه قال
ما عادش ضارب فيها حتى ضربه! |
|
الشيخ |
بره عيطولو... |
|
سي عبد الرزاق |
طردتو .؟..قال حقو... |
|
المرافق |
لا يحقلو حق... |
|
الشيخ |
و الله ما يقوم الجمل إلاّ ما يجي راعيه. |
|
سي عبد الرزاق |
قلنا لك طر!ّدناه...بح ح ح. |
|
الشيخ |
إذا تحب البل متاعك تمشي للسروح عيط على
اتلسارح تو. |
|
سي عبد الرزاق |
(مستسلما)برّه عيطولو ...أمري لله! |
|
المرافق |
هاني ماشيلو(ينظر بعيدا في الأفق) هاو جاي
من غير ما نتعب روحي. |
|
الشيخ |
الحمد لله هاو جاء الفرج... |
|
الراعي |
(يصل)ع السلامه سيدي الشيخ. ما زالت البركه! |
|
الشيخ |
و أنت محل كل بركه يا وليدي. |
|
سي عبد الرزاق |
(ملتفتات إلى الجمهور) تو ينصرها. |
|
الشيخ |
(ملتفتا إلى الراعي) يا راعينا قيم الجمل
خلي البل تمشي للسروح. |
|
الراعي |
(يحاول دون فائدة) قوم ...فز...زع..... |
|
الشيخ |
زايد ثمه سبب... |
|
سي عبد الرزاق |
ما ثمه حتى سبب.! |
|
الشيخ |
لا...ثمه سبب. |
|
سي عبد الرزاق |
آش نوه ها السبب؟ |
|
الراعي |
حقّي.! |
|
المرافق |
لا يحقلو حق... |
|
سي عبد الرزاق |
ماك خذيتو بشهادة القايد و الجماعه. |
|
الراعي |
لا ...ما خذيت حتى فرنك. |
|
الشيخ |
آه...! إذا هاذي الحكايه. الجمل ما يقوم
لإلا ما يرجع الحق لمّاليه . |
|
سي عبد الرزاق |
خوّفتني يا شيخ.راسي باش يتعرى إذا ما قامش
ها الجمل( يهجم على الجمل ضاربا معنّفا)قوم ...قوم. |
|
الراعي |
(يعترض سبيل سي عبد الرزاق)سايس.سايس عليه
.ما أقساك. |
|
الشيخ |
و الله ما يقوم إلا ما ياخو ها المسكين
حقّو...و أنت تعرف روحك. |
|
الراعي |
يعرف... أكيد يعرف...أما الانسان طمّاع! ما
يشبع من ها الدّنيا حدّ...أيا بخاطركم هاني ماشي. |
|
الشيخ |
(يمسك الراعي من يده و يوقفه ثم يلتفت ناحية
سي عبد الرزاق) يا سي عبد الرزاق إذا مشى ها الراعي راك تخسر البل
متاعك. |
|
سي عبد الرزاق |
(خائفا مرتعشا) نحسر البل متاعي...أيا يا
سيدي على يديك نحجّو. بره قلّو ينوّض ها الجمل. |
|
الراعي |
دوّيو...أنا ما زلت نحصل ...أعطيني حقّي قبل |
|
الشيخ |
آش نوه حقّك يا ولدي. |
|
سي عبد الرزاق |
أجرة خدمة عام كامل لا نحب زايد و لا ناقص |
|
الشيخ |
يا ولدي...موافق تعطيه حقّو؟ |
|
سي عبد الرزاق |
(بتأفّف) موافق. |
|
الراعي |
أنا نعرف ها الأشكال هذي سيدي الشيخ. توّه حقّي
ورقه تحك في ورقه. |
|
الشيخ |
يا خي ما عندكشي صبلار؟ |
|
الراعي |
ما عنمديشي صبر! ...أكثرشي م الصبرمتاعي
.خدمة عام كامل ما ريت منها شيء. |
|
الشيخ |
أيّا أ‘طيه حقّو توّه يقيّملك جملك . |
|
سي عبد الرزاق |
(يمدّ مال الراعي كما يمد البخلاء و اللصوص
مالا مسروقا) خو. |
|
الراعي |
(بفتك المال بقوة) سيّب من يدّك ملاّ
قرنيطه( يهم بعده) نحسبهم آش كون يعرف ع البلاء.... |
|
الشيخ |
خذيت حٌقك يا ولدي؟ |
|
الراعي |
(يشير بيده أن انتظر) |
|
الشيخ |
يا ولدي خذيت حٌقك؟ |
|
الراعي |
(يشير برأسه أن نعم) |
|
الشيخ |
(يتجه ناحية الجمل و يأخذ الحقّ من تحت
القتب ثم! يرفعه عاليا) هذا هو السبب ...عرق الجبين برّك الجمل
و ما خلا!ّهش يقوم ...(يلتفت إلى الراعي) برّه يا ولدي توّه قيّم
الجمل و ربّي معاك...( ينظر إلى الراعي ) |
|
الراعي |
(يمسك بزمام الجمل ) هيا مسعود فز.(ينطلق بجمله
) |
|
ستار النهاية |
