أمثال شعبية من منزل جميل


الصفحة الرئيسية \| صور \| غابة الرمال \| الفضاء \| التاريخ \| من أنا؟ \| عائلتي \| عائلات منزل جميل \| المعالم الدينية \| أمثال و أقوال \| المنظمات و الجمعيات \| المؤسسات \| الثقافة و الفنون \| ناس مروا \| المتحف \| راسلونا
	بلدي يا جميل

	الجديد Nouveau

هـ

حرف الميم 1

ع/ر	المثل أو القول السائر	شروح	ملاحظات
1	- ما ابركك يا راجل أمّي الأول.
	- ما أعمى إلاّ أعمى القلب.
	- ما أخيبك يا صنعتي كي نراك عند غيري
	- ماتت الانبياء و السّادات بعناك أحنا.	بعناك= فما بالك./أحنا= نحن.
5	- ما تحل الصدقه إلاّ ما يشبع صاحب المحل.		- يقال أيضا ما تجوز( أو ما تصحْ) الصّدْقهْ إلاّ ما يشبعوا اماّلي المحلْ..(أو الدّار).
	- ما تذم وتشكر إلا بعد عام و سته شهور.
	- ما تشكر إلا ما تعاشر.
	- ما تقصّش يد السّارق قبل ما يسرق.
	- ما تلوّح ماء إلا ما تلقى ماء.
10	- ما تمشي كان الظّل الظّلّ و ما تاكل كان فضلة ايديك.
	- ما ثمّاش ورد بلا شوك.
	- ما عندو ما يخبي إلي في صندوقو قوقو
	- ما عندك كان الرجال
	- ما يقول حد نموت
15	- ما خص المشنوق كان ماكلة الحلوى
	- ما اخيبك يا صنعتي كيف نراك عند غيري
	- ما يشمت فيك أعداك كان راجلك و الا ضناك
	- ما يبقى (يدوم ، يقعد) في الواد كان حجرو .
	- ما يبقى للوارث كان الحبل الخارث.
20	- الماء الدافق و الخراء اللاصق		يقال في التبذير من غير فائدة.
	- ما غلبتهم إلا حيلة الموت !
	- ما يقعد حمل في زقاق كان ما هزوه إماليه يهزوه السراق
	- ما دوم غمه على أمه
	- ما يحكّلك كان ظفرك و ما يبكيلك كان شفرك.
25	- ما جزاهش قبرو طلع فوقو يذّن
	- ما ازيني و ما احسني و السعد خايني
	- ما يحس الجمره كان إلي يعفس عليها
	- مات الجملْ تفرّقت العدايلْ.	العدايل مفردها عديلة =ما يوضع على ظهر الجمل و تقسم فيه الحمل فيكون متعادلا بين الجنبين اليمين و اليسار.
	- ما تحب الذايقه كان المراه العايقه
30	- ما يغلبك كان إلي يقلك اعطني متاعي ( أو حاجتي)و إلا اخرج من داري.
	- ما تدخّلْ لداركْ كان القمح و الشعير أمّا الفولْ يقربعْ.
	- ما تعرفش منين يجيك البلاء يا غافل
	- ما تطْلع الأحناش إلاّ في الخرب الخاليه.
	- ما يلزك للمر كان إلي أمر منو
35	- ما يحس ضرب المزود كان إلي كلا بيه
	- ما يتزاوجو كان ما يتشابْهو.
	- ما يطيح الرطل كان الكيلو.
	- ما نصدّق إلاّ ما نعنق
	- ما عندك في الهم ما تختار
40	- ما غلبتهمْ كانْ حيلة الموتْ.
	- ما احسن الصغير كيف يكون جرو
	- ما زال العياط في الغابه
	- ما زال في وجهي ما نورّي و في زندي ما نعرّي.		تقوله النساء في التفاخر بجمالهن.
	- ما وزين إلاّ زين الفعايل.
45	- ما ززاهش قبرو طلع فوقو يذّن	ما ززاهش= ما كفاه - قبرو = قبره - يذّن = يُؤذِنُ
	- ما ينجمش يهز يدّو لراسو
	- ما عندك في ها السّـوق ما تذوق
	- الماء الي ماشي للسدره الزيتونة أولى بيه.
	- ما نعرف كان هو
50	- ما يعرفوه بقري كان بالكرشه.
	- ما يعجبك نوار الدفله في الواد عامل الظلايل و لا يعجبك زين الطفله حتى تشوف الفعايل
	- ما براني كان الشيطان.
	- ما تغيس إلا ما تقيس.	تغيس = تغوص	يقال في التأني و عدم التسرع و التهور
	- ما توصّي يتيمه على نواحْ .
55	- ما يتفرّس إلاّ ما يتهرّس
	- الماكلة و السّبت في ساق اليهودي.		لعلها الحسن لا السبت
	- ما كاملْ كانْ سيد الخلقْ.
	- ما أقربشي من رحمة ربّي.
	- ماشي لطاليزقا.
60	- ما يبكيلك كان شفرك و ما يندب لك كان ظفرك
	- ما ارزن ملايكتو.
	- ما يطيبْ كانْ برْزامْ
	- ما يحس الجمره كان إلّي يعفس عليها .
	- ما يتهزّش بمقصّ النّار.
65	- ما ينفعك كان جيبك.
	- ما يعرف تراب الروم كان الانقليز.		يقال في معرفة المتكلم بخبايا الأمور و أسرارها.
	- ما يعرفوهْ بـڤري إلاّ بالكرْشهْ.
	- ما يغلبك كان إلّي يقلك أعطيني متاعي
	- ما عندوش كتاف.
70	- ما منع منها كان بسيدي و سيدك.
	- ما عندي ما نقول فيه .
	- ما اشومك يا صنعتي كي نراك عند غيري.
	- ما يفضل في الكيس كان الدّرهم النّحيس.
	- ما يقعد للوارث إلا حبل خارث.		يقال فيمن لا يبقي للخلف شيئا و يأخذ نصيب الأسد .
75	- ما جاء يهمّ كان صبع القابله.
	- ما جاء يفهم إلا بسيدي و سيدك
	- ما يفل الحديد كان الحديد.
	- ما يفهم المهبول كان المهبول.
	- ما يفهم كان بالفلاقي
80	- ما يقولوش قداش غاب يقولو آش جاب؟.
	- ما يقيّمك ع الطّعام كان ولد الحرام.
	- ما حسدنا همش في غناهم حسدونا في فقرنا
	- ما نكساب م الأبيض كان سنّيّه.
	- ما لقاش لقمه يلملمها يلوّج على عروسه يكلّمها!
85	- المال قوام الأعمال.
	- المال يغدا و الرجال تجيبو.
	- مالح صياره
	- مالح سبخه
	- ما عندوش كلمه.
90	- ما دواء الفم المنتن كان السواك الحار.
	- ما يكبر في دارك كان القرع
	- ما عندك في ها السّوق ما تذوق.
	- ما عنا كان الصلاة ع النبي.	أي ما عندنا شيء.
	- ما حرقصت هاك الشابّه كان لهاك الشّبيّبْ.
95	- ماكلتي للصيوده و لا تغرغيدي للأذياب
	- ما فيهاش بابا قطعني واد.		يقال في الأمر الجدي الذي يستدعي الاعتماد على النفس.
	- ما دام بن داود في الزنزانه ما يموت حد	ابن داود شخص حكم عليه بالمؤبد و قد كان معارضا سياسيا و كان يدبر الحلول للمساجين حتى ينجو من عقوبة الإعدام و مما يذكر عنه أنه أنه سلم أحد المسجونين الذين سيقابلون الحاكم قد يكون أحد البايات كاغدا أزرق و مسمارا فحار الحاكم في تفسير هذا الطلسم فاستدعاه فقال له متحديا إذا كان الفلك( رمز الكاغد الأزرق) بيدك فسمره بالمسمار لأنك زائل غير دائم	يقال للشخص الذي يجد الحلول و لا يحار
	- ما نصدّق إلاّ ما نعنّق .
	- ما نلوّحشي شعيري على قمح النّاس.
100	- ما يتفرّس إلاّ ما يتهرّس.
	- ما يلزّ للمرّ كان إلّي أمرُ.	أمرّ= أشدّ مرارة.
	- ما نيش راقد على وذني.
	- ما يدوم في الواد كان حجرو.	و يقال أيضا :ما يبقى في الواد...
	- ما يجزّي المخلوق كان الخالق.
105	- الماء يجري تحت ساقيه.
	- ما يعجبكشي رخصو.
	- ما يعجبك في الدّهر كان طولو.		يقال أيضا الزمان عوضا عن الدهر.
	- ما يعرفو ربّي كان ليلة الرعد.
	- ما يعرفش طرف خلاها وين
110	- ما يعطي إبره إلاّ ما ياخو مخيط.
	- ما يعطي خبرو لغيرو كان المهبول.
	- ما فمّاش قطّوس يصطاد لرّبّي .
	- ما يوكلك العسل إلاّ صباعكْ و ما يمتّعك بصيد إلاّ ذراعكْ.
	- ما يظهرشي فيه الخير و لو كان يشعل صوابعو شمع.
115	- ما ياقف في الباب كان قليل الصّواب .
	- ما يكبر راس إلا م يشيب راس.
	- ما ينفعك إلاّ جيبك.
	- ما ينكر نسبتو إلاّ الكلب.
	- المبدي موفي !
120	- المتربّي من عند ربّي .
	- متاع الله يا أولاد الكلب.
	- متاع الناس للنّاس.
	- متاع النّاس ما يكبّر ساس.
	- متاعك نذوقها و متاعي عقرب فوقها
125	- المتفرجْ فارسْ.
	- متهوم بالشبعه و هو ميت جيعان
	- المجراب تهمزو مرافقو.
	- المحبّه المزروبه تخلّف العقوبه .
	- مخيبك يا صنعتي كي نراك عند غيري
130	- مخزن مقفول (أو مسكّر) و لا كريه مشومه
يتبع حرف الميم>>>

هـ

الثقافة و الفنون بمنزل جميل

السينما بمنزل جميل

الممسرح بمنزل جميل

الشعر بمنزل جميل

القصة و الرواية بمنزل جميل

الثقافة الشعبية

الصفحة السابقة	طبع الصفحة
الصفحة الرئيسية \| صور \| غابة الرمال \| الفضاء \| التاريخ \| من أنا؟ \| عائلتي \| عائلات منزل جميل \| المعالم الدينية \| أمثال و أقوال \| المنظمات و الجمعيات \| المؤسسات \| الثقافة و الفنون \| ناس مروا \| المتحف \| راسلونا
Copyright 2012©2015 leplacartuel.com