مسرحية مدرسيّة بعنوان
 القرايه (باللهجة الدارجة التونسية)
1
( العامل و الولي النجار يتقابلان في ساحة المدرسة قريبا من الإدارة)
العامل أهلا بسي النّجّار
الولي أهلا ...أهلا ...أهلا ...
العامل زارتنا البركه...تي ما هو لاباس؟
الولي  لا يورّيك باس...ها الغشاشر ديما عاملين فينا...معطّلينا ع الخدمه.
العامل -أنا نسخايبك جاي باش تاخو شهاده.
الولي  أحنا متاع شهايد...
العامل  (بخبث) اللطف عليك م الشّهايد...إمّاله آش بيك ما هو لاباس؟
الولي  هاو طرّدولي الغشاشر و قالولهم جيبو بوكم.
العامل  جمله مع بعضهم؟
الولي و الله جمله بكلّهم.
العامل مساكن!
الولي  و الله قلت الحق مساكن. أنا نعرفهم ما يعملو شي أما الخلطه هي السّبب.
العامل (ينظر إلى الأولاد الأربعة=الولدين والبنتين ثم يقول بسخرية و خبث) إي كيف ما تحكي الخلطه بلطه)بجدّ) أما له وين قتلي يقراو ؟
الولي يظهرلي في الثامنه.
العامل  كيفاش هذا ممكن 4 أولاد فرد قسم . ياخي ماخو زوز نساء و أنا ما علميش ؟؟
الولي  تي لا لا لا ...ماهو هذا الأول جاكم من ثلاثه سنين و دوبل . و بعدو جاكم الثاني  و خلط ع الأول ولاّو فرد قسم و دوبلو و عاودو العام مع بعضهم و نجحوهملي بالإسعاف يكثر خيرهم . و عمناول البنات هداهم ربي و نجحوا للثّامنه و ها الزويز عاودوا العام إي عاد السنه  لقاو رواحهم فرد قسم كي تجي تطل باهيه ليا و ليهم  على الأقل إلّي يحضر منهم يجزّي. و تي ماهو العبره بالمشاركه.و كان غاب منهم واحد يلقى درسو عند خوه.
العامل (بخبث) ما شاء الله! تي العبره بالمشاركه . ربي معاك  ...ربي معاك ! الله يعاونك على هم الزمان .
الولي قلت الحق إلي عندو 4 غشاشر  في الثامنه و مطرّدين ربّي معاه .
العامل  أيه بخاطرك ...هاو جاء السيّد المرشد الأوّل نخلّيك معاه .
( يصل المرشد الأول)
المرشد  يا مرحبا على سلامتك.
الولي  (يتباكى) و الله أولادي مظلومين. علاش تكرهوهم ما تحبّوهمش ينجحو.
المرشد (بهدوء) يعيّش خويا ..أحنا نكرهولك أولادك؟؟؟آش بينا و بينهم ؟؟
الولي  إمّاله آش بيكم ديمه مطرّدينهم .
المرشد  أحنا ما طرّدنا حد هوما مطرّدين رواحهم ...تي أساتذهم ما يعرفوهمشي !!!هاو أستاذهمم خلط إنشدو.
الأستاذ السلام عليكم !
المرشد و عليكم السلام ... يا أستاذ بالله تعرفشي ها التّلامذه؟
الأستاذ (يشير برأسه زامّا شفتيه) لا...
المرشد  مش قتلك حتّى أستاذهم ما يعرفهمش.
الولي   كيفاش ما يعرفهمش ( يشير إلى أولاده بالمجيء فيقدمون منكسي الرؤوس في خبث)  هذا الأول أطول واحد في المدرسه و أكثر واحد ماخو أصفار .و هذا الثاني لاهي بروحو ثمّاشي واحد يلبس خير منو في المدرسه .و هذي أختو ما شاء الله عليها ماك تعرفها و هذي أختها  لا باس عليهم ماكلين شاربين  لابسين عايشين في نعيم و الحمد لله.
المرشد  اللهم صل على النبي...أو لاد يحسدوك عليهم !أما موش الفايده في تسمينهم و مظهرهم بركه.
الولي  (بفخر) إما لا يعيّشلهم بوهم.علاش نخدم و نكدّد .
المرشد ثمه برشه أمور أخرى غير الماكله و الشراب .
الولي إيه القرايه باهيه ..إنشدهم ..إنشدهم ...كل يوم نقوللهم اذهبوا  امشيو أقراو في البيت الأخرى...أنا التلفزه محرّمها عليهم على خاطر هي السّبب فسّدتهم و همّلتهم و حلّيتلهم عينيهم!!!
الأستاذ سامحني عاد...هاهو الغلط ...يا خويا يتفرّجو في التّلفزه و ما يتفرّجوش ...و يقراو و يرتاحو و يفرهدو ...القرايه ماهيشي عقوبه.
الولي شفتو ها الوحيّد عامل روحو كبر ولّى ما يقعدشي في الدار ديما لبره غلب أمو و حقرها ...أما ...انشدو  معايا أنا ما يتفلفسشي وين نشدّو ناكلّو قلبو بالسبته ...أما يمشي لعزيزتو مدلتّو  يتخبا عندها و يرجع اللوم علي ...و الله خرت و حار دليلي...
المرشد عاد إنت عندك أولاد يحسدوك عليهم .اللهمّ صلّ على النبي .
الولي إمّاله  لا؟؟!!!
المرشد   المهم أولادك باش نعدّيوهم على مجلس التربية .
الولي  جمله مع بعضهم .
المرشد  أولادك ما عادش عينهم بالقرايه..
الولي كيفاش تقول ها الكلام؟؟
المرشد  سرقو دفتر المناداة
الولي  سرقو دفتر المناداة؟؟؟ و لواه يسرقو فيه و هوما ديمه غايبين.
الأستاذ  ماهم جبدو معاهم مجموعه جديده و عملو عصابه
المرشد و حتى كيف زوزناهم ما خلاو ما عملو يتقبّحو و يكسّرو في أثاث المدرسهيضربو في اصحابهم و سرقو نحاس المدرسه و عملو بعمايلهم .
الولي أولادي خاطيهم  أولادي ا يعملوش.
الأستاذ إما لا يا سيدي أولادك يعملو و قرّوا عليهم أصحابهم  و هوما اعترفوا.
المرشد و الأدله لكل ضدّهم!!!
الولي آش عملت يا ربّي  آش عملت...سامحوهم المره هاذي برك يعيّشكم سامحوهم. .
الأستاذ  ما أسهلو ...
المرشد السماح في بحيرة حمزه.
الولي (بيأس يبكي ) و الله غلبوني و ما عادش نعرف آش نعمل معاهم .
المرشد  4 أولاد غلبوك إماله أحنا آش نقولو  مع  600.كل واحد منهم رهط...
الولي  و الله حرت. حرت و حار دليلي.تعرف خليني نصارحك .تعرف و قسما بالله العظيم من الجمعه الأولى متع القرايه قلتلهم كمّلو عام السنه تو ندخّلكم تقراو في أغلى ليسيه Libre بالفلوس يعيشلكم بوكم يصرف عليكم.
المرشد  يا خويا قلت لنا ها الكلام م الأول رانا سامحنالك أولادك.
الولي  بالمنجد تسامحوهملي؟؟؟
المرشد  إما لا لا نسامحوهم... هوما مساكن خاطيهم !!!
الولي (ينظر إلى أولاده مشجّعا)
المرشد  أما المشكل فيك ..يعني سيادتك م النهار  ألأول قلتلهم أكركو عام السنه باش نكافيكم تمشيو لبنزرت تقراو بالفلوس..آش ما زالو باش يقراولك؟؟؟ أنا يظهرلي إنت يلزم نعديوك ع المجلس معاهم باش نعدّلولك مخّك و تتعلم تسايرهم .
الأستاذ إلي صلّحناه لكلو هلكتو و هدّيتو و طيحتو في الماء
الولي الله غالب...الله غالب (ينظر إلى أولاده ) شفت وين وصلتوني.
أحد الأولاد)  بابا تشريلي سبادري.و سروال .
الولي (يجري خلف ابنه) ايجا توه نوريك السراول.
المرشد  هاذي نهاية الغلط و الدّلال .
ستار النهاية
مسرحياتي
اقتباس
الملك و ابن سينا

الحجاج و الغلام

الزرقاء بنت عدي
عرق الجبين
الأمانة
عين الله
الراعي الأمين
قسمة الدّجاج
إبداع
اللّحى
القراية
العضمة
البرتابل
لا تعطني سمكة
الدّيك الكسول
لامبادوزه
الصّيام
من أنا؟
تعريف
قصصي
أشعاري
مسرحياتي
تحقيق
ترجمة
دراسات
مواقع

الصفحة السابقة

طبع الصفحة

الصفحة الرئيسية | صور | غابة الرمال | الفضاء | التاريخ | من أنا؟ | عائلتي | عائلات منزل جميل | المعالم الدينية | أمثال و أقوال | المنظمات و الجمعيات | المؤسسات | الثقافة و الفنون | ناس مروا | المتحف | راسلونا

Copyright 2012©2015 leplacartuel.com